Cihazlar

Technical Support Solutions MMC qaz kəmərlərində və avadanlıqlarında texniki baxış zamanı qaz sızmalarının yerini və dərəcəsini dəqiq müəyyən etmək məqsədilə müasir texnologiyalarla təchiz olunmuş nəqliyyat vasitələrindən, mobil qurğulardan, yüksək həssaslığa malik xüsusi qaz detektorlarından və yeraltı polietilen və polad boruların, kabellərin marşrutunu, qaynaq və kəsişmə nöqtələrini müəyyən edən cihazlardan istifadə edir. Bu üsullar qaz sızmalarını vaxtında aşkar etməyə, potensial yanğın və partlayış risklərinin qarşısını almağa, qaz itkisini minimuma endirməyə və ətraf mühitin mühafizəsinə töhfə verməyə imkan yaradır.

Qeyri-dağıdıcı nəzarət metodlarından biri olan NDT UT – ultrasəs defektoskopiyası sayəsində boruların və digər metal konstruksiyaların qaynaq tikişlərindəki mümkün qüsurlar yüksək dəqiqliklə müəyyən edilir. Bu üsul polad materialların daxili strukturunda olan çatların və digər qüsurların aşkarlanmasına şərait yaradır.

Technical Support Solutions MMC-nin əsas hədəfi – texniki diaqnostikanı beynəlxalq standartlara uyğun şəkildə həyata keçirmək, sifarişçilərə qaynaq tikişlərinin keyfiyyəti ilə bağlı peşəkar rəy təqdim etmək və mümkün risklər barədə vaxtında məlumat verməkdir. Bütün proseslərdə müasir, yüksək texnoloji avadanlıqlardan istifadə olunur.